قصة شهيد جديدة فى مصر اليوم

السلام عليكم ورحمة الله وبركاته انا هتكلم باللغة العامية ومش هذوقا كلامى انا هتكلم على طول انهاردة اخويا استشهد او مات او اى حاجه..... مات بقا ازاى ذى ما كل شهداء مصر بيموتوا دلوقتى بسبب الاهمل والاستهتار كان فى خناقه فى الشارع عندنا  وكحال اى اسرة مصرية بعفوية شديدة وتصرف تلقائى كل اللى فى البيت وقفوا يتفرجوا على الخناقة من البلكونة ويروح ظابط يضرب نار تروح تيجى فى اخويا نفسى حد يقولى ذنبه ايه ؟!!!!! ها ايه ذنبه لا كان بيتخانق ولا حاجة وكان فى بيته .....النكته بقا اللى تضحك بيسالوا الظابط انت مشوفتش انت بتضرب فاى مكان يرد يقول ايه (( اصل انا نظرى ضعيف))!!!! اممممممم خلاص ايه رايكم صعب عليا احنا ممكن نجمع فلوس من الشعب ونعمله نظارة عيب والله نسيبه كده مش مشكله اخويا يموت المهم الظابط يشوف المهم طبعا احنا روحنا النيابة والقسم شرطة المنطقة اللى هو قسم شرطة كرموز - بمنطقة كرموز-  اسكندرية والظابط اسمه احمد العيسوى يقولونا اعملوا اللى انتم عاوزينه شوفوا بقا مين هيسأل فيكم !!!!!!! يعنى نضرب دمغنا فى الحيط ......لا بقا وايه الظابط اصدروله قرر نقل من القسم فورا طبعا عشان يظبطو الحكاية واحنا مش عارفين نوصل للظابط اللى اسمه احمد العيسوى ..... ياريت حد يقولنا نعمل ايه 
الرصاصة اضربت فى دماغة دمرتها انا بكتب الكلام ده وانا ببكى بس لازم نجيب حقه وهنجيبه ان اشاء الله ارجوكم ادعولو بالرحمة وربنا يثبته وياريت لو حد يقدر يقولنا نعمل ايه 


انا بقول لصاحبة القصة اننا ان شاء الله هنقدر نساعدك ونجيب حق اخوك وحق كل شهداء مصر باذن الله